अजुई हाङ्ग राईलाई सेफ नेपालको उपाधि

टुरिजमफेस
काठमाडौं । नेपालको पहिलो फुड रियालिटी शो ‘सेफ नेपाल’ को उपाधि अजुई हाङ्ग राईले जितेका छन् । राईसँगै अन्तिम तीन प्रतिस्पर्धीमा इङ्वा सुब्बा र विकेश श्रेष्ठ रहेका थिए । प्रतियोगिताको निर्णायकमा मास्टर सेफ सन्तोष शाह, सेफ गणेश ढकाल र भान्से लक्ष्मण भण्डारी रहेका थिए । दुई वर्ष अघिदेखि तयारी गर्दै आएको सेफ नेपाल फुड रियालिटी शोमा एक सय प्रतियोगी छनोट गरिएको थियो ।

अनलाइन आवेदनमार्फत १०० प्रतिस्पर्धी छनोट भई लाइभ अडिसन राउण्ड, इलिमिनेसन राउण्ड गर्दै उत्कृष्ट १६ प्रतिस्पर्धी छनोट भएका थिए । उत्कृष्ट १६ बाट ८ प्रतिस्पर्धी छानिएको थियो । त्यसपछि उनीहरूसँग प्रतिस्पर्धामा उत्कृष्ट हुँदै राईले सेफ नेपालको उपाधि जित्न सकेका हुन् ।