पर्यटन राज्यमन्त्रीमा अरुण चौधरीले लिए सपथ, कांग्रेसले पायो थप दुई राज्यमन्त्री
१८ साउन, काठमाडौँ । केपी शर्मा ओली नेतृत्वको सरकारमा ३ जना राज्यमन्त्री नियुक्त भएका छन् ।
राष्ट्रपति रामचन्द्र पौडेलले शुक्रवार बिहान नेपालको संविधानबमोजिम तीन राज्यमन्त्री नियुक्त गरी कार्यविभाजन तोकेका थिए । ओली सरकारमा ३ जना राज्यमन्त्री थपिएसँगै मन्त्रिपरिषद्को संख्या २५ पुगेको छ ।
राष्ट्रपति कार्यालयका अनुसार संस्कृति, पर्यटन तथा नागरिक उड्डयन राज्यमन्त्रीमा अरुणकुमार चौधरी, वन तथा वातावरण राज्यमन्त्रीमा रुपा बिक र ऊर्जा, जलस्रोत तथा सिँचाइ राज्यमन्त्रीमा पूर्णबहादुर तामाङ नियुक्त भएका हुन् ।
उनीहरुले प्रधानमन्त्री केपी शर्मा ओलीबाट पद तथा गोपनियताको शपथ लिएका छन् । राज्यमन्त्रीमा नियुक्त हुनेमा कांग्रेसबाट रूपा विक र पूर्णबहादुर तामाङ तथा नागरिक उनमुक्ति पार्टीबाट अरुण चौधरी छन् ।
अरुणलाई संस्कृति पर्यटन तथा नागरिक उड्डयन राज्यमन्त्री, रूपालाई वन तथा वातावरण राज्यमन्त्री र पूर्णबहादुरलाई ऊर्जा, जलश्रोत तथा सिँचाइ राज्यमन्त्रीमा नियुक्त गरिएको हो । राससको सहयोगमा
