रवि लामिछाने सांसद पदबाट निलम्बित
टुरिजमफेस
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने सांसद पदबाट निलम्बनमा परेका छन् । संघीय संसद् सचिवालयले सूचना जारी गर्दै लामिछाने निलम्बित भएको जानकारी गराएको हो ।
सम्पत्ति शुद्धिकरण निवारण ऐन, २०६४ को दफा २७ अनुसार थुनामा रहेको अवधिभर र निजउपर दफा २२ बमोजिम मुद्दा दायर भएकोमा मुद्दाको किनारा नलागेसम्म स्वतः निलम्बन भएको मानिने कानुनी व्यवस्था रहेकाले उनी निलम्वनमा परेका हुन् । चितवन–२ बाट निर्वाचित लामिछानेसँग सहकारी ठगी र सम्पत्ति शुद्धीकरणमा गरी कूल ३० करोड ७१ लाखभन्दा बढी बिगो दाबी भएको छ ।
यसअघि रास्वपाले कार्यवाहक अध्यक्षको जिम्मेवारी डिपी अर्याललाई दिइसकेको छ ।
