नेपथ्यको एक महिनासम्म अस्ट्रेलियामा प्रस्तुति
टुरिजमफेस
काठमाडौं । लोकप्रिय ब्याण्ड नेपथ्यले अस्ट्रेलियामा एक महिनासम्म प्रस्तुतिको तयारी गरेको छ । जसका लागि गायक अमृत गुरुङसहित ब्याण्ड र व्यवस्थापक नेपालयका सदस्यहरू अस्ट्रेलिया गएका छन् । अस्ट्रेलियाको राजधानी क्यानबेराबाट ब्याण्डले प्रस्तुतिको थालनी गर्दैछ ।
१ महिनासम्म ७ अस्ट्रेलियाली सहरमा ब्याण्डले प्रस्तुति दिने कार्यक्रम छ । क्यानबेरामा ३ मार्च, पर्थमा ९ मार्च, ब्रिसबेनमा १४ मार्च, होबर्टमा १८ मार्च, एडिलेडमा २१ मार्च र मेलबर्नमा २४ मार्च र सिड्नीमा २९ मार्चमा प्रस्तुति दिने तय गरिएको छ ।
नेपथ्यको लाइनअपमा मुख्य गायक अमृतसहित ड्रमसेटमा ध्रुव लामा, बेस गितारमा सुबिन शाक्य, गितारमा निरज गुरुङ, मादलमा शान्ति रायमाझी र किबोर्डमा दिनेशराज रेग्मी छन् ।
