राजावादी प्रदर्शनमा पत्रकारसहित दुईको मृत्यु

टुरिजमफेस
काठमाडौं । राजावादीहरूको तीनकुनेस्थित भवनमा आगो लगाउँदा भएको झडपमा परी एक पत्रकारसहित दुई जनाको मृत्यु भएको छ । तीनकुनेको भवनमा लागेको आगोमा जलेर एभिन्युज टेलिभिजनका पत्रकार सुरेश रजकको मृत्यु भएको हो ।

त्यस्तै झडपको बेला घाइते भएका अर्का युवाको महाराजगञ्जस्थित त्रिवि शिक्षण अस्पतालमा मृत्यु भएको छ । कीर्तिपुरका २९ वर्षीय सविन महर्जनको मृत्यु भएको गृह मन्त्रालयका सहसचिव छवि रिजालले जानकारी दिए । प्रदर्शनमा घाइते भएका उनलाई तत्काल उपचारका लागि शिक्षण अस्पताल पु¥याइएको थियो । अस्पतालका निर्देशक डा. सुबास आचार्यका अनुसार ती युवा घाँटीमा गोली लागेर आएका थिए ।