म्यानमारको भूकम्पमा मृत्यु हुनेको संख्या साढे एक सय पुग्यो, थाइल्याण्डमा सय बढी बेपत्ता
टुरिजमफेस
काठमाडौं । म्यानमारमा गएको ७.७ म्याग्नेच्युडको भूकम्पमा परी ज्यान गुमाउनेको संख्या एक सय ५० पुगेको छ । राजधानी म्यानमार नजिकै नेपिडो आसपास केन्द्रबिन्दु भएर शुक्रवार गएको भूकम्पमा परी छिमेकी राष्ट्र थाइल्याण्डमा सय बढी बेपत्ता भएका छन् । भूकम्पले सयौं घरहरू ढलेको र त्यसको भग्नावशेषमा सयौं मानिसहरू पुरिएको हुनसक्ने भएकाले मृत्यु हुनेको संख्या धेरै बढ्न सक्ने बताइएको छ ।
भूकम्पका कारण थाइल्याण्डको राजधानी बैंककको ३७ तले अग्लो भवन ढल्दा काम गर्ने सय जना भन्दा बढी मजदुर बेपत्ता रहेको विभिन्न सञ्चार माध्यमले जनाएका छन् । भूकम्पछि म्यानमारका ६ सहरहरूमा आपतकाल घोषणा गरिएको छ । ७.७ म्याग्नेच्युडको भूकम्पपछि ६.२ म्याग्नेच्युडको परकम्प गएको थियो । त्यसले पनि थप क्षति पु¥याएको अधिकारीहरूले बताएका छन् । म्यानमारका अस्पतालहरु भूकम्पमा परी घाइते भएकाहरू छन् ।
