जगमान गुरूङ ‘संयुक्त जनआन्दोलन’ को संयोजक
टुरिजमफेस
काठमाडौं । जगमान गुरूङले राजसंस्था पुनस्र्थापनाका लागि गठित ‘संयुक्त जनआन्दोलन’ समितिको जिम्मेवारी पाएका छन् । यसअघि उक्त समितिको संयोजक नवराज सुवेदी थिए । चैत १५ गते तीनकुनेमा हिंसा भडकिएपछि सुवेदीलाई सरकारले नजरबन्दमा राखेको छ ।
सुवेदीले विज्ञप्ति निकालेर आफ्नो अनुपस्थितिमा गुरूङले नेतृत्व लिने उल्लेख गरेका छन् । यसैबीच राजसंस्था पुनस्र्थापना आन्दोलन समितिका जनकमाण्डर दुर्गा प्रसाईले आफू काठमाडौंमै रहेको बताएका छन् । एक भिडियो सन्देश पठाउँदै उनले सरकारले आफूलाई मार्ने योजना बनाएको हुँदा चैत १५ गते प्रहरीको अगाडिबाट भागेको र यतिखेर काठमाडौंको एक मन्दिरमा रहेको बताएका छन् । प्रहरीसँग भने उनले माफी मागेका छन् । राजसंस्था पुनस्र्थापनाका लागि गठित ‘संयुक्त जनआन्दोलन’ समितिले आगामी दिनमा पनि निरन्तर कार्यक्रम गरिरहने जनाएको छ ।
