पत्रकार रजकको शरीरमा गोली लागेको पाइएनः प्रहरी
टुरिमजफेस
काठमाडौँ । राजावादीहरूको प्रदर्शनको क्रममा मारिएका पत्रकार सुरेश रजकलाई गोली नलागेको पाइएको प्रहरीले जनाएको छ । जिल्ला प्रहरी परिसर काठमाडौँका अनुसार चिकित्सकले एक्सरे गरेर हेर्दा पत्रकार रजकलाई गोली लागेको नपाइएको हो ।
आगलागीमा परेर मृत्यु भएका रजकलाई गोली लागेको हल्लापछि चिकित्सकले पोस्टमार्टम गर्नुअघि एक्सरे गर्नुपर्ने बताएका थिए । तर एक्सरे गर्दा उनको शरीरमा गोली लागेको नपाइएको प्रहरी अधिकृतले बताए । ३३ वर्षीय रजकको अधिकांश शरीर जलेको अवस्थामा शव फेला परेको थियो । राजावादीहरूको प्रदर्शनको क्रममा कीर्तिपुरका २९ वर्षीय सविन महर्जनको पनि मृत्यु भएको थियो ।
दुई दर्जन बढी घाइतेमध्ये कतिपयको अझै अस्पतालमा उपचार भइरहेको छ । प्रदर्शनमा सहभागी नजनाएका विद्यार्थी र सर्वसाधारण समेत घाइते भएका छन् ।
