नेपाली सेनाको २२ सदस्यीय टोली मेडिकल राहतसहित म्यानमार प्रस्थान
टुरिजमफेस
काठमाडौं । नेपाली सेनाको टोली मेडिकल राहतसहित भूकम्पले क्षति भएको म्यानमार प्रस्थान गरेको छ । नेपाल सरकारले निर्णयअनुसार सेना म्यानमार प्रस्थान गरेको सैनिक जनसम्पर्क निर्देशनालयले जनाएको छ ।
प्रमुख सेनानी रामचन्द्र श्रेष्ठको नेतृत्वमा १२ जना चिकित्सकीय टिम, ४ जना बन्दोबस्ती सहायता टिम र ६ जना क्रु मेम्बरसहित कुल २२ सदस्यीय टोली नेपाली सेनाको सिएन–२३५ कासा विमानद्वारा म्यानमार प्रस्थान गरेको हो ।
म्यानमारको राजधानी नापिडो आसपास केन्द्र गरी गएको ७.७ म्याग्निच्युडको भूकम्पमा परी हालसम्म दुई हजार पाँच सयभन्दा बढी मानिसको मृत्यु भएको छ । त्यस्तै भूकम्पबाट चार हजार बढी घाइते भएका छन् ।
