रसुवागढी नाका दसैँअघि नै सञ्चालन गर्नेगरी बेलीब्रिज जडान सुरु
टुरिजमफेस
नुवाकोट । भौतिक पूर्वाधार तथा यातायातमन्त्री देवेन्द्र दाहालले रसुवागढी नाका दसैँअघि नै सञ्चालन गर्नेगरी ल्हेन्देखोलामा बेलीब्रिज जडान सुरु भएको बताएका छन् ।
त्रिदेशीय अन्तर्राष्ट्रिय राजमार्गका रूपमा विस्तार भइरहेको ‘गल्छी- त्रिशूली- मैलुङ- स्याफ्रुबेसीँ- रसुवागढी सडक योजना’ को अवलोकनपछि मङ्गलबार नुवाकोटमा पत्रकारहरूसँग कुरा गर्दै उनले उक्त यसबारे जानकारी दिएका हुन् ।
गत असार २४ मा ल्हेन्देखोलामा उर्लिएको बाढीले नेपाल- चीन मैत्रीको प्रतीक मितेरी पुल बगाएको थियो ।
गल्छी- रसुवागढी त्रिदेशीय राजमार्ग सञ्चालन गराई चाडपर्वका बेला नाका सञ्चालनमा ल्याउन सम्बन्धित निकायलाई परिचालन गरिएको मन्त्री दाहालले बताए । रसुवातर्फ स्याफ्रुबेसी- रसुवागढी सडकखण्ड चीन सरकारको सहयोगमा सञ्चालन गर्ने सहमति भएको छ ।
