काठमाडौं  नेपाली कांग्रेसको १५औँ महाधिवेशनअन्तर्गत महिला खुलातर्फ केन्द्रीय सदस्य पदको मतगणनामा बासना थापाले अग्रता कायम राखेकी छन्।

मंगलबार बिहानसम्म सार्वजनिक मतपरिणामअनुसार सांसदसमेत रहेकी थापाले ३ हजार ४८४ मत प्राप्त गरेकी छन्। महिला खुलातर्फका १५ केन्द्रीय सदस्य पदका लागि प्रतिस्पर्धा भइरहेको छ।

मतपरिणामअनुसार दोस्रो स्थानमा उर्मिला थपलिया रहेकी छन्। उनले २ हजार ६४७ मत पाएकी छन्। तेस्रो स्थानमा रहेकी निमा गिरीले २ हजार ६२० मत प्राप्त गरेकी छन्।

त्यसैगरी, कुसुमदेवी थापाले २ हजार १२९ र धना कुमारी खतिवडाले २ हजार १२५ मत ल्याएका छन्।

अन्य उम्मेदवारले प्राप्त गरेको मत यसप्रकार छ:

• अनिता देवकोटा — १ हजार ९३०
• विनिता खड्का — १ हजार ८९२
• लक्ष्मी पाण्डे — १ हजार ७७२
• सृजना अधिकारी — १ हजार ७६२
• मुना भुसाल — १ हजार ६३२
• चिनी पोखरेल (चिनु) — १ हजार ५६४
• रिता थापा मगर — १ हजार ५१०
• कान्तिका सेजुवाल — १ हजार ४८१
• उमा दाहाल — १ हजार ४५८
• निर्मला तामाङ बस्नेत (नीरु) — १ हजार ४२४

मतगणना जारी रहेकाले अन्तिम परिणाम आउन बाँकी छ।