काम गर्न नसक्ने कर्मचारी वा मन्त्री जो भएपनि पदमा बसिरहने छुट छैनः पर्यटनमन्त्री पाण्डे
पर्यटनमन्त्री पाण्डे काठमाडौँ, ११ असोजः संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे ४५औँ पर्यटन दिवसको अवसरमा शुक्रबार मन्त्रालयद्वारा काठमाडौँमा आयोजित कार्यक्रममा मन्तव्य राख्नुहुँदै । तस्बिरः किरणराज विष्ट÷रासस
११ असोज, काठमाडौं । संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले काम गर्न नसक्ने कर्मचारी वा मन्त्री जो भएपनि पदमा बस्ने छुट नदिने बताएका छन् ।
पर्यटन दिवसको अवसरमा काठमाडौंमा आयोजित कार्यक्रमलाई सम्बोधन गर्दै मन्त्री पाण्डेले यस्तो बताएका हुन् ।
‘कोही पनि निकायको प्रमुख यदि काम गर्न सक्दैन भने त्यसले त्यो निकायमा बस्ने छुट राख्दैन’, उनले भने, ‘त्यसका लागि कानुन हेरिरहनु पर्दैन, त्यसका लागि कुनै व्यवस्था हेर्नु पर्दैन, जनता छ, जनता सार्वभौम सत्ता सम्पन्न छ ।’
उनले जीडीपीमा पर्यटन क्षेत्रको योगदान बढाउन निजी क्षेत्रले सहयोग हुनुपर्ने पनि बताए ।
‘हामी हाम्रो विविधतापूर्ण संस्कृति र प्रकृतिलाई व्यापक बनाउने दिशामा अघि बढ्नेछौँ । हामी हाम्रो जिडिपीमा पर्यटन क्षेत्रको योगदानलाई बढाउन चाहन्छौँ । निजी क्षेत्र अघि नलागेसम्म हाम्रो मन्त्रालयले कुनै काम गर्न सक्दैन’, उनले भने, ‘निजी क्षेत्र अघिअघि र हाम्रो मन्त्रालय पछिपछि हुन्छ ।’
त्यसका लागि सरकारले आवश्यक नीति, कानुनन बनाउन तयार रहेको मन्त्री पाण्डेले बताए । ‘हिउँदे अधिवेशन हाम्रो संस्कृति, पर्यटन तथा नागरिक उड्डयन मन्त्रालयको इतिहासमा कानुन बनाउने अधिवेशन हुनेछ’, उनले भने ।
४५ औं विश्व पर्यटन दिवस देशभर विविध कार्यक्रम गरी मनाउन लागिएको छ । अविरलको वर्षाले पर्यटन दिवसका कार्यक्रम पनि प्रभावित भएका छन् ।
पर्यटनमन्त्री पाण्डे काठमाडौँ, ११ असोजः संस्कृति, पर्यटन तथा नागरिक उड्डयनमन्त्री बद्रीप्रसाद पाण्डे ४५औँ पर्यटन दिवसको अवसरमा शुक्रबार मन्त्रालयद्वारा काठमाडौँमा आयोजित कार्यक्रममा मन्तव्य राख्नुहुँदै । तस्बिरः किरणराज विष्ट÷रासस
