राष्ट्रपति र प्रधानमन्त्रीसँग भारतीय विदेश सचिवको भेट, ‘मोदी आउने भन्थे, विदेश सचिव पठाए’

काठमाडौं । भारतका विदेश मन्त्रालयका सचिव विक्रम मिश्रीले राष्ट्रपति रामचन्द्र पौडेल र प्रधानमन्त्री केपी शर्मा ओलीसँग भेटवार्ता गरेका छन् ।
आइतबार दिउँसो राष्ट्रपतिसँग शितल निवासमा र ओलीसँग सिंहदरबारमा मिश्रीले शिष्टाचार भेट गरेका हुन् ।
नेपालमा कांग्रेस–एमालेको गठबन्धन सरकार बनेपछि भारतको यो पहिलो उच्चस्तरीय भ्रमण हो ।
नेपाल भ्रमणका क्रममा उनले नेपाल–भारतको सम्बन्ध विस्तार र द्विपक्षीय सहमतिका विविध विषयमा छलफल गर्ने परराष्ट्र मन्त्रालयले जनाएको छ ।
विदेश सचिव मिश्री २८ साउनमा भारत फर्किने कार्यक्रम छ ।
यस अघि भारतीय प्रधानमन्त्री नरेन्द्र मोदीले आफै नेपाल भ्रमण गर्ने बताएका थिए । अहिले भने सत्ता गठन्धन फेरिएपछि विदेश सचिवलाई पठाएका छन् ।