बाढी पहिरोमा अलपत्र परेका १६३ विदेशी पर्यटकको उद्धार, बेपत्ता भनिएका पर्यटक सकुशल भेटिए
भक्तपुर, १३ असोज : अबरुद्ध सडक पन्छाएर पर्यटकलाई सुरक्षित स्थानतर्फ लैजाँदै भक्तपुरको सूर्यविनायक नगरपालिका–९ सिपाडोल नैचालमा शनिबार गएको पहिरोले अबरुद्ध सडक आज पन्छाएर पर्यटकलाई सुरक्षित स्थानतर्फ लैजाँदै । तस्बिर : रमेश गिरी/रासस
काठमाडौं । देशका विभिन्न भागमा भएको अविरल वर्षा र त्यसपछि आएको बाढी पहिरोका कारण अलपत्र परेका १६३ जना विदेशी पर्यटकहरूको उद्धार गरिएको छ ।
संस्कृति, पर्यटन तथा नागरिक उड्डयनमन्त्री बद्री पाण्डेको अग्रसरतामा शनिबार मन्त्रालयमा बसेको आकस्मिक बैठकपछि अलपत्र परेका पर्यटकलाई सहयोग गर्न नेपाल पर्यटन बोर्ड अन्तर्गतको क्राइसिस सेलको समन्वयमा उद्धार गरिएको जनाइएको छ ।
सेलले नेपालस्थित विदेशी दूतावास, कन्सुलेट अफिस, ट्राभल तथा ट्रेकिङ एजेन्सी लगायत नेपाली सुरक्षा निकायसँग समन्वय गरी पर्यटकहरुको उद्धार गरीरहको छ । पर्यटक प्रहरी र सेलको आफ्नै हटलाइन मार्फत २४ सै घण्टा पर्यटकका लागि सेवा दिन सुरू गरिएको छ ।
सेलले वेभसाइटमार्फत पर्यटकका लागि हवाई सेवाको अवस्था, मौसम लागायतका जानकारी उपलब्ध गराइरहेको मन्त्रालयले जनाएको छ ।
यसै क्रममा बाढी पहिरोमा हराइ रहेको भनिएका सिंगापुरका पर्यटक यापसी मिन र किङ यी केन्टलाई सुरक्षित अवस्थामा फेला परिएको छ ।
भक्तपुर, १३ असोज : अबरुद्ध सडक पन्छाएर पर्यटकलाई सुरक्षित स्थानतर्फ लैजाँदै भक्तपुरको सूर्यविनायक नगरपालिका–९ सिपाडोल नैचालमा शनिबार गएको पहिरोले अबरुद्ध सडक आज पन्छाएर पर्यटकलाई सुरक्षित स्थानतर्फ लैजाँदै । तस्बिर : रमेश गिरी/रासस
