पाथीभरा केबलकार निर्माण विवादमा एक दर्जन घाइते

pathivara
टुरिजमफेस
काठमाडौँ । राष्ट्रिय मुक्ति पार्टी नेपालका अध्यक्ष राजेन्द्र महतोको नेतृत्वमा पाथीभरामा केवलकार निर्माणको विरोध गर्दै पुगेको टोली र प्रहरीबीच झडप भएको छ । झडपमा ११ जना सुरक्षाकर्मी र एक जना आन्दोलनकारी घाइते भएका छन् ।
ताप्लेजुङका प्रमुख जिल्ला अधिकारी नेत्रप्रसाद शर्माका अनुसार महतोसहित रकम चेमजोङ, डकेन्द्र थेगिम लगायतले नेतृत्व गरेको टोलीले केवलकार निर्माण स्थलमा रहेका सुरक्षाकर्मीमाथि आक्रमण गरेपछि झडप भएको थियो । शर्माले उनीहरू निर्माणस्थलमा प्रवेश गरी सुरक्षा घेरा तोड्दै ढुंगामुडा प्रहार गरेको बताए ।
झडपमा नेपाल प्रहरीका ६ र सशस्त्र प्रहरीका ५ तथा आन्दोलनकारीतर्फ एक जना घाइते भएको प्रजिअ शर्माले बताए । मुकुम्लुङ क्षेत्रमा निर्माण गर्न लागिएको केबलकार परियोजनालाई लिएर यतिखेर विभिन्न पक्षबीच विवाद भइरहेको छ ।
pathivara