द्वारिकाज होटलकी सञ्चालक अम्बिका श्रेष्ठको निधन
३ साउन, काठमाडौं । द्वारिकाज होटलकी सञ्चालक अम्बिका श्रेष्ठको निधन भएको छ।
ललितपुरस्थित मेडिसिटी अस्पतालमा उपचारका क्रममा ९१ वर्षीया श्रेष्ठको बिहीबार निधन भएको होटल संघका अध्यक्ष विनायक शाहले जानकारी दिएका छन् ।
‘निमोनिया र बाथरोगबाट पीडित उहाँ केही सातादेखि उपचाररत हुनुहुन्थ्यो,’ शाहले भने।
अम्बिकालाई नेपालको सक्रिय महिला उद्यमीका रूपमा चिनिन्छ।
सन् १९९१ मा श्रीमानको निधन भएपछि उनले सम्पूर्ण जिम्मेवारी सम्हाल्दै आएकी थिइन्।
उनका दुई छाेरी छन्। श्रीमान् र छोराको पनि निधन भइसकेको छ।
