कोरोना बीमाको भुक्तानी माग्दै बीमक संघद्वारा सर्वोच्चमा रिट

टुरिजमफेस
काठमाडौं । नेपाल बीमक संघले कोरोना बीमाको रकम भुक्तानी माग गर्दै सर्वोच्च अदालतमा रिट दायर गरेको छ । आइतवार संघले सरकारलाई विपक्षी बनाउँदै रिट दायर गरेको हो । संघले सहमतिअनुसार सरकारले कोरोना बीमा रकम भुक्तानी नगरेको जनाउँदै आएको छ । सरकारले सहमति पालना नगर्दा उल्टै बीमा कम्पनीहरूको बदनामी भइरहेको संघको भनाइ छ ।  सरकारले भुक्तानी नदिएपछि बीमा कम्पनीहरूले कोरोना बीमाको करिब १० अर्ब रुपैयाँ भुक्तानी गर्न नसकेको संघले जनाएको छ । सरकारसँग भएको सम्झौता र कोरोना बीमा मापदण्ड अनुसार उक्त दायित्व सरकारले ब्यहोर्नुपर्ने भए पनि भुक्तानी नभएको भन्दै सरकारविरुद्ध रिट दायर गर्नु परेको संघको भनाइ छ ।