चीन र साउदीमा थन्किए निगमका ‘न्यारो बडी’ दुई जहाज
टुरिजमफेस
काठमाडौं । र नेपाल वायुसेवा निगमका ‘न्यारो बडी’ जहाज साउदी अरेबिया र चीनमा थन्किएका छन् । निगमसँग भएको दुइटै ‘न्यारो बडी’ विदेशमा थन्किएपछि यात्रु प्रभावित हुन पुगेका छन् । ती दुबै ‘न्यारो बडी’ को क्षमता १ सय ५७ जना यात्रु बोक्ने हो ।
‘ए३२०–२००’ सिरिजको ‘९एन–एकेएक्स’ दर्ता नम्बरको निगमको जहाज दम्माबाट काठमाडौं उड्ने क्रममा प्राविधिक समस्या आएपछि आइतवार ‘ग्राउन्डेड’ भएको हो । निगमका प्रवक्ता रमेश पौडेलका अनुसार जहाज उड्नुअघि नियमित चेक गर्ने क्रममा नोज ल्यान्डिङ गियरमा समस्या देखिएपछि ग्राउन्डेड गर्नु परेको हो । उनले जहाज मर्मत गर्न साउदी एयरलाइन्ससँग कुराकानी भइरहेको बताए । त्यस्तै अर्को जहाज नियमित मर्मतका लागि चीन गएको पौडेलले जानकारी दिए । जहाजको मर्मत खर्च तोकिएको समयमा नभएपछि जहाज उड्न नपाएको उनको भनाइ छ ।
दुइटै न्यारो बडीको उडान रोकिँदा यात्रु प्रभावित भएको उनले बताए । निगमसँग अन्तर्राष्ट्रिय उडान गर्न दुइटा ‘न्यारो बडी’ र २ सय ७४ सिट क्षमतायुक्त दुई ‘वाइड बडी’ गरी चार थान जहाज छन् ।
