फ्रान्स र इन्डोनेसियासँग हवाई सम्झौता चाँडैः मन्त्री पाण्डे
टुरिजमफेस
काठमाडौं । संस्कृति पर्यटन तथा नागरिक उड्डयन मन्त्री बद्री पाण्डेले फ्रान्स र इन्डोनेसियाबीच हवाई सम्झौता चाँडै हुने र त्यसका लागि प्रक्रिया अघि बढाएको जानकारी दिएका छन् ।
प्रतिनिधिसभा अन्तर्गतको अन्तर्राष्ट्रिय सम्बन्ध र पर्यटन समितिको बैठकमा मन्त्रालयको कार्य प्रगति एवं आगामी आर्थिक वर्षको कार्यक्रम, योजना र रणनीति सम्बन्धको छलफलका क्रममा बोल्दै मन्त्री पाण्डेले यस्तो जानकारी दिएका हुन् ।
सोही क्रममा उनले नेपाल एयरलाइन्सलाई बलियो बनाउन आवश्यक रहेको समेत बताए । नेपाल एयरलाइन्स जति बलियो भयो उति नतिजा आउने बताए । मन्त्री पाण्डेले गौतमबुद्ध अन्तर्राष्ट्रिय विमानस्थल तथा पोखरा अन्तर्राष्ट्रिय विमानस्थलमा नियमित उडान सञ्चालनका सम्बन्धमा मन्त्रिपरिषदबाट कार्ययोजना स्वीकृत गराई लागु गरिएको सोही क्रममा बताए ।
