सगरमाथाको फोहोर संकलन गर्न नेपाल लाइफले राउन्ड टेबललाई सघाउने
टुरिजमफेस
काठमाडौँ । सर्वोच्च शिखर सगरमाथाको फोहोर संकलन गर्न नेपाल लाइफ इन्स्योरेन्स कम्पनी लिमिटेडले राउन्ड टेबल नेपालसँग सहकार्य गर्ने सम्झौता गरेको छ ।
जसका लागि नेपाल लाइफका तर्फबाट प्रमुख कार्यकारी अधिकृत प्रवीण रमण पराजुली र राउन्ड टेबल नेपालका अध्यक्ष प्रवेश अग्रवालले सम्झौता पत्रमा हस्ताक्षर गरे ।
नेपाल लाइफले आफ्नो संस्थागत सामाजिक उत्तरदायित्व अन्तर्गत सगरमाथा सफाइ अभियान सञ्चालन गर्न राउण्ड टेबल नेपाल तथा प्राविधिक पार्टनर सगरमाथा प्रदूषण नियन्त्रण समिति (एसपिसिसी) सँग सहकार्य गरेको पराजुलीले बताए । राउन्ड टेबल नेपालका अध्यक्ष अग्रवालले सगरमाथा क्षेत्रमा यसपटक ५ हजार किलो फोहोर संकलन गर्ने लक्ष्य रहेको बताए ।
