पर्यटकहरु सगरमाथा क्षेत्र प्रवेशगर्दा गाउँपालिकाले लिने शुल्क ५०% बढ्यो, कसले कति तिर्नुपर्छ ?
tourist_in_khumbu
१४ साउन, काठमाडौं । पर्यटकहरु सगरमाथा क्षेत्र प्रवेश गर्दा गाउँपालिकाले पर्यटकसँग लिने शुल्क बढेको छ । खुम्बु पासाङल्हामु गाउँपालिकाले चालु आर्थिक वर्ष २०८१/८२ बाट लागू हुने गरी पर्यटक शुल्क बढाएको हो ।
यसअघि सबै पर्यटकसँग प्रतिव्यक्ति २ हजार रुपैयाँ लिने गरेकोमा अब सार्क र चीनबाहेकका देशका नागरिकसँग लिइने शुल्क ३ हजार रुपैयाँ पुर्याइएको छ । सार्क क्षेत्र र चिनियाँसँग लिने शुल्क भने २ हजार रुपैयाँ नै यथावत राखिएको छ ।
गाउँपालिकाको आर्थिक ऐन २०८१ को अनुसूची १३ अनुसार उक्त शूल्क कायम गरिएको गाउँपालिकाले जनाएको छ । यो गाउँपालिका भ्रमण गर्ने विदेशी नागरिकसँग गाउँपालिका स्थापना भएयता नै २ हजार शुल्क कायम गरिएको थियो ।
कूटनीतिक विशिष्ट व्यक्ति र १० वर्ष मुनिका बालबालिकालाई भने कागजातका आधारमा निःशुल्क प्रवेश दिइने गाउँपालिकाको निर्णय छ ।
tourist_in_khumbu
