नुवाकोट हेलिकप्टर दुर्घटना : सवार पाँचै जनाको मृत्यु
हेलिकप्टर दुर्घटना काठमाडौँ, २३ साउनः नुवाकोटको शिवपुरी गाउँपालिका–७ शिवपुरी जङ्गलको सूर्यचौर क्षेत्रमा बुधबार भएको दुर्घटनाग्रस्त हेलिकप्टरमा लागेको आगो निभाउृँदै सुरक्षाकर्मी । तस्बिरः हरिराम भेटुवाल÷रासस
काठमाडौ । नुवाकोटको शिवपुरीमा एयर डाइनेस्टीको हेलिकप्टर दुर्घटना हुँदा पाँच जनाको मृत्यु भएको छ । मृत्यु हुनेमा चार पुरुष र एक महिला रहेका छन् ।
नुवाकोटका प्रहरी उपरीक्षक शान्तिराज कोइरालाका अनुसार शिवपुरी गाउँपालिका–७ शिवपुरी जङ्गलको सूर्यचौर क्षेत्रमा हेलिकप्टर दुर्घटना भएको हो ।
बुधबार काठमाडौंस्थित त्रिभुवन अन्तर्राष्ट्रिय विमानस्थलबाट १ बजेर ५४ मिनेटमा उडेको एयर डाइनेस्टीको ९एन–एजेडी हेलिकप्टर काठमाडौं र नुवाकोटको सिमानामा दुर्घटनामा परेको हो । नेपाल नागरिक उड्डयन प्राधिकरणका अनुसार काठमाडौंबाट उडेको तीन मिनेटमै हेलिकप्टर काठमाडौं टावरसँग सम्पर्क विच्छेद भएको थियो । यो हेलिकप्टर रसुवाको स्याफ्रुबेसी उडेको थियो । रासस
हेलिकप्टर दुर्घटना काठमाडौँ, २३ साउनः नुवाकोटको शिवपुरी गाउँपालिका–७ शिवपुरी जङ्गलको सूर्यचौर क्षेत्रमा बुधबार भएको दुर्घटनाग्रस्त हेलिकप्टरमा लागेको आगो निभाउृँदै सुरक्षाकर्मी । तस्बिरः हरिराम भेटुवाल÷रासस
