पर्यटन मन्त्रीलाई सत्तारुढ दलको भातृ संगठनले भन्यो–हवाई शुल्क महँगो भयो
टुरिजमफेस
काठमाडौं । संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेलाई हवाई शुल्क सर्वसुलभ बनाउन आग्रह गरिएको छ । सत्तारुढ नेपाली कांग्रेसको भातृ संगठन नेपाल विद्यार्थी संघले सराजमार्ग अवरुद्ध भएको बेला हवाई कम्पनीहरूले लिइरहेको भाडा महँगो भएको गुनासो गरेको छ ।
संघले राजमार्ग अवरुद्ध भएको बेला हवाई शुल्क सर्वसुलभ बनाउन आवश्यक रहेको भनेको छ । संघका अध्यक्ष दुजाङ शेर्पासहित प्रतिनिधिमण्डलले पर्यटन मन्त्री पाण्डेलाई भेटेर सडक पहुँच नभएका जिल्लाहरूमा समेत चाडपर्वका बेला हवाई यातायातलाई सर्वसुलभ र सहज बनाउन भनिएको छ । त्यस्तै नेपाल नागरिक उड्डयन प्राधिकरण विधेयकलाई पनि अघि बढाउन नेविसंघले माग गरेको छ ।
