‘पर्यटन विकासका लागि बजार मुख्य स्रोत’
paryatan sujhab
टुरिजमफेस
काठमाडौं । नेपालको पर्यटन विकासका लागि बजार विस्तार गर्नुपर्ने सम्बद्ध व्यक्तिहरूले औंल्याएका छन् । उनीहरूले पर्यटन विकास र विस्तारको लागि नेपाल वायुसेवा निगमको स्तरोन्नति समेत आवश्यक रहेको धारणा राखेका छन् ।
संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेसँगको छलफलमा पर्यटन सम्बद्ध विभिन्न संघ संस्थामा आवद्ध व्यक्तिहरूले नेपाल नागरिक उड्डयन प्राधिकरणलाई सेवा प्रदायक र नियामक निकायका रूपमा विभाजन गर्ने विधेयक मन्त्रिपरिषदबाट स्वीकृत भएकोमा समेत मन्त्री पाण्डेलाई धन्यवाद व्यक्त गरे । यो विधेयक संसद्ले पास गरेपछि युरोपलगायत अन्तर्राष्ट्रिय क्षेत्रले नेपालको हवाई क्षेत्रमा विश्वास गर्ने उनीहरूको भनाइ छ ।
त्यस्तै पर्यटनको विकासका लागि अन्तर्राष्ट्रिय बजारमा प्रवद्र्धनका कार्यक्रम सुरु गर्न पनि उनीहरूले मन्त्रीलाई सुझाव दिए । छलफलमा मन्त्री पाण्डेले पर्यटन क्षेत्रमा देखिएका समस्या समाधान गर्ने प्रतिबद्धता व्यक्त गरे ।
paryatan sujhab
