शान्तिपूर्ण हुने भनिएको राजावादीहरूको प्रदर्शनमा झडप
टुरिजमफेस
काठमाडौं । शान्तिपूर्ण रूपमा गर्ने भनिएको राजावादीहरूको प्रदर्शनमा झडप भएको छ । पूर्व राजा ज्ञानेन्द्र शाहलाई पुनः राजा बनाउनुपर्ने नारासहित उत्रिएको समूह र प्रहरीबीच तीनकुनेलगायतका क्षेत्रमा झडप भएको हो ।
तीनकुनेस्थित एक घर तोडफोड हुनुको साथै प्रहरी घाइते भएका छन् । प्रदर्शनकारीहरूले एकीकृत समाजवादीको पार्टी कार्यालय तोडफोड गरेका छन् । नियन्त्रणका लागि प्रहरीले लाठीचार्ज गर्नुको साथै अश्रुग्यास प्रहार गरेको छ । राजावादीहरूले मेडिकल व्यवसायी दुर्गा प्रसाईको नेतृत्वमा प्रदर्शन गरे । राजावादीहरूले प्रदर्शन गरिरहँदा भृकुटीमण्डमा नेकपा माओवादी केन्द्रलगायतको समाजवादी मोर्चाले पनि शक्ति प्रदर्शन गरेको छ ।
त्यस कार्यक्रममा बोल्दै माओवादी केन्द्रका अध्यक्ष पुष्पकमल दाहाललगायतले राजावादीहरूलाई यो भन्दा अघि नबढ्न चेतावनी दिए ।
