पूर्व प्रधानमन्त्री माधव नेपालको गृहमन्त्री लेखकलाई प्रश्नः प्रहरी, प्रशासनले आदेश मान्न छोडेका हुन् ?
टुरिजमफेस
काठमाडौ । नेकपा (एकीकृत समाजवादी) का अध्यक्ष तथा पूर्व प्रधानमन्त्री माधवकुमार नेपालले गृहमन्त्री रमेश लेखकलाई प्रहरी, प्रशासनले आदेश मान्न छोडेका हुन् भन्दै प्रश्न गरेका छन् ।
नेकपा (एकीकृत समाजवादी) को पार्टी कार्यालय आलोकनगरमा राजावादीहरूले तोडफोड गरी पु¥याएको क्षतिको अनुगमन गर्न पुगेका गृहमन्त्री लेखकलाई नेपालले यस्तो प्रश्न गरेका हुन् ।
राजावादीहरूले तीनकुनेमा प्रदर्शनका क्रममा निजी र सार्वजनिक सम्पत्तिमा तोडफोड गरी क्षति पु¥याएका थिए । सोही क्रममा नेकपा (एकीकृत समाजवादी) को पार्टी कार्यालयमा पनि आगजनी र तोडफोड गरेका थिए ।
पार्टी कार्यालयमा आन्दोलनकारीले आगो लगाएको बारेमा प्रहरी, प्रशासनलाई समयमै जानकारी गराउँदा पनि प्रहरी प्रशासनले हेलचेक्र्याँई गरेको पार्टीका नेताहरू बताउँछन् । आगलागी भएको घरमा फसेका पत्रकारको उद्धारमा पनि प्रहरी, प्रशासनले बेवास्ता गरेको गुनासो सार्वजनिक भएको छ । उद्धार हुन नसकेकै कारण पत्रकारको मृत्यु भएको थियो ।
गृहमन्त्री लेखकलाई अवलोकनका क्रममा पार्टी कार्यालय पुग्दा अध्यक्ष नेपालले भने, ‘आधा घण्टा वा १५ मिनेट पहिला आन्दोलनकारीहरू आएको भए केही रहँदैन थियो । तपाईंको आदेश नमानेको हो कि हामीलाई शंका त त्यो लागिरहेको छ ।’ न्युज एजेन्सी नेपाल
