वायु प्रदूषण उच्च भएपछि हप्तामा दुई दिन बिदा, जोरबिजोर यातायात चलाउन सुझाव
टुरिजमफेस
काठमाडौँ । वायु प्रदूषणले जनजीवन प्रभावित हुँदै गएपछि विज्ञहरूले हप्तामा दुई दिन बिदा तथा सातामा जोरबिजोर नम्बरका यातायात चलाउन सुझाव दिएका छन् । प्रदूषणको प्रमुख कारण सवारी साधन रहेको दाबी गर्दै केही दिन चाप कम गर्नुपर्ने सुझाव दिए । वातावरण विज्ञ भूषण तुलाधरले वायु गुणस्तर योजना बनाउनुपर्नेमा जोड दिए ।
अर्का विज्ञ सुन्दर शर्माले वातावरण संरक्षणका लागि राष्ट्रिय रणनीति बनाउनु पर्ने सुझाव दिए । कार्यवाहक प्रधानमन्त्री प्रकाशमान सिंहले बढ्दो वायु प्रदूषण कम गर्न सबैले भूमिका खेल्नुपर्ने बताए । । शहरी विकास मन्त्रालयमा भएको छलफलमा वनमन्त्री ऐनबहादुर शाही, वनराज्यमन्त्री रुपा विकलगायतको उपस्थिति थियो । छलफलमा वन मन्त्रालयका सचिव दीपक खरालले प्रदूषण बढ्दै गएकाले हप्ताको दुई दिन बिदा दिनुपर्ने र सवारी जोरबिजोर गरेर चलाउनु पर्ने प्रस्ताव गरे ।
