२२ सदस्यीय मन्त्रिमण्डल गठन, बद्री पाण्डे पर्यटन मन्त्री

टुरिजमफेस
काठमाडौं । प्रधानमन्त्री केपी शर्मा ओलीले सोमवार २२ सदस्यीय मन्त्रिमण्डल गठन गरेका छन् । नेकपा एमाले, नेपाली कांग्रेसको गठबन्धन सरकारमा जनता समाजवादी र लोकतान्त्रिक समाजवादी पार्टी पनि सहभागी भएका छन् । ओली नेतृत्वको सरकारमा संस्कृति, पर्यटन तथा नागरिक उडड्यन मन्त्रालयको जिम्मेवादी बद्री पाण्डेले पाएका छन् । मन्त्रिमण्डलमा एमालेबाट प्रधानमन्त्रीसहित ९, कांग्रेसबाट १०, जनता समाजवादी पार्टीबाट २ र लोकतान्त्रिक समाजवादी पार्टीबाट १ जना सहभागी भएका छन् । कांग्रेसका तर्फबाट प्रकाशमान सिंहले नेतृत्व गरेका छन् । कांग्रेस सभापति शेरबहादुर देउवा पत्नी आरजु राणाले परराष्ट्र मन्त्रालयको जिम्मेवारी पाएकी छन् ।

मन्त्रीहरूको कार्यविभाजन यसप्रकार छः
१. केपी शर्मा ओली, प्रधानमन्त्री
२. प्रकाशमान सिंह, उपप्रधान तथा सहरी विकास
३. विष्णु पौडेल, उपप्रधान तथा अर्थ
४. पृथ्वीसुब्बा गुरुङ, सञ्चार तथा सूचना मन्त्रालय
५. रमेश लेखक, गृह
६. शरतसिंह भण्डारी, श्रम तथा रोजगार
७. आरजु राणा देउवा, परराष्ट्र
८. नवलकिशोर साह सुडी, महिला बालबालिका
९. बलराम अधिकारी, भूमि व्यवस्था तथा सहकारी
१०. दामोदर भण्डारी, उद्योग वाणिज्य तथा आपूर्ति
११. देवेन्द्र दाहाल, भौतिक पूर्वाधार तथा यातायात
१२. तेजुलाल चौधरी, युवा तथा खेलकुद
१३. प्रदीप यादव, खानेपानी
१४. प्रदीप पौडेल, स्वास्थ्य
१५. अजय चौरसिया, कानुन न्याय तथा संसदीय मामिला
१६. बद्रीप्रसाद पाण्डे, पर्यटन
१७. रामनाथ अधिकारी, कृषि
१८. विद्या भट्टराई, शिक्षा विज्ञान तथा प्रविधि
१९. मानवीर राई, रक्षा
२०. दीपक खड्का, जलस्रोत तथा ऊर्जा
२१. राजकुमार गुप्ता, संघीय मामिला तथा सामान्य
२२. ऐनबहादुर शाही ठकुरी, वन तथा वातावरण
नवनियुक्त मन्त्रीहरुलाई राष्ट्रपति रामचन्द्र पौडेलले पद तथा गोपनियताको शपथ खुवाएका छन् ।