पूर्वगृहमन्त्री जोशीलाई ९ महिना जेल, ६९ लाख जरिवाना
टुरिजमफेस
काठमाडौं । नेपाली कांग्रेसका पूर्वनेता तथा पूर्वगृहमन्त्री गोविन्दराज जोशी भ्रष्टाचारी ठहर भएका छन् । सर्वोच्च अदालतले जोशीलाई भ्रष्टाचार मुद्दामा दोषी ठहर गर्दै ९ महिना कैद र ६९ लाख १५ हजार रुपैयाँ जरिवाना गरेको हो । सर्वोच्चका न्यायाधीश विनोद शर्मा र बालकृष्ण ढकालको इजलासले जोशीलाई दोषी ठहर गरेको हो ।
यसअघि विशेष अदालतले उनलाई गैरकानुनी रुपमा सम्पत्ति आर्जन गरी भ्रष्टाचार गरेको ठहर गर्दै साढे एक वर्ष कैद र २ करोड १६ लाख १४ हजार ३७६ रुपैयाँ जरिवानाको फैसला सुनाएको थियो । विशेष अदालतले गरेको फैसलमा चित्त नबुझाएपछि जोशी सर्वोच्च गएका थिए । उनी तनहुँबाट पटक पटक चुनाव जितेर मन्त्री भएका थिए । पछिल्लो समय उनी नेपाली कांग्रेससँग असन्तुष्ट रहँदै आएका थिए ।
