सहकारी ठगी प्रकरण : के पूर्वगृहमन्त्री रवि लामिछाने पक्राउ पर्दैछन् ?
काठमाडौं । सहकारी ठगीबारे छानबिनका लागि गठित संसदीय समितिको प्रतिवेदन कार्यान्वयन गर्न गृहमन्त्री रमेश लेखकले निर्देशन दिएसँगै रवि लामािछानेलाई पक्राउ गर्न परहरी परिचालन भइसकेको स्रोतले बताएको छ ।
गृहमन्त्री रमेश लेखकले निर्देशन दिए लगत्तै प्रहरीले सहकारी ठगी प्रकरणमा पूर्वडीआईजीसमेत रहेका गोरखा मिडिया प्रालिका तत्कालिन सञ्चालक छविलाल जोशीलाई नियन्त्रणमा लिइसकेको छ ।
उनलाई पक्राउ गरेसँगै गोरखा मिडियाका तत्कालीन प्रबन्ध निर्देशकसमेत रहेका पूर्वउपप्रधान एवं गृहमन्त्री रवि लामिछानेलाई पक्राउका लागि प्रहरी परिचालन भएको हो ।
‘सहकारी ठगी बारेको संसदीय समितिको प्रतिवेदन कार्यान्वय गर्न निर्देशन छ,’ स्रोतले भन्यो, ‘उहाँलाई आजै पक्राउ गर्ने तयारी छ । त्यसका लागि प्रहरी टोली परिचालन भइसकेको छ ।’
संसदीय समितिले सहकारी ठगी प्रकरणमा मुख्य अभियुक्त जीबी राईसहित ग्यालेक्सी फोरके टेलिभिजनका तत्कालिन सञ्चालक जोशी, तत्कालिन प्रवन्ध निर्देशक रवि लामिछाने, सञ्चालक कुमार रम्तेललाई कारबाहीका लागि सिफारिस गरेको थियो।
