५७ हिमाल आरोहणका लागि खुला, अब आरोहण गर्न पाउने हिमाल कति पुगे ?
himal
टुरिजमफेस
काठमाडौं । सरकारले थप ५७ हिमाल आरोहणका लागि खुला गरेको छ । मन्त्रिपरिषद्को बैठकले आरोहणका लागि थप ५७ हिमाल खुला गर्न स्वीकृति दिएको पर्यटन विभाग निर्देशक राकेश गुरुङले बताए ।
पर्यटन विभागले संस्कृति, पर्यटन तथा नागरिक उड्डयन मन्त्रालयमा ५७ नयाँ हिमाल आरोहण खोल्ने गरी सिफारिस गरेको थियो । सोही अनुरुप मन्त्रिपरिषद्ले हिमाल आरोहणका लागि स्वीकृति दिएको हो । आरोहण खुला गरिएका हिमालमा पाँच हजार मिटरभन्दा माथि तथा छ हजार पाँच सय मिटरसम्म कम उचाइका छन् ।
विभागका निर्देशक गुरुङले थप ५७ हिमाल आरोहणका लागि खुला गरिएसँगै नेपालमा कूल चार सय ६१ हिमाल आरोहणका लागि खुला भएको बताए । उनले थप हिमाल खुलेसँगै पर्वतीय पर्यटनमा सकारात्मक सन्देश गएको बताए ।
himal
