एमाले अध्यक्ष ओलीले पार्टीबाट सरकारमा सहभागी सबै मन्त्रीहरुलाई बालकोट बोलाए
१७ असार, काठमाडौं । नेकपा एमालेका अध्यक्ष केपी शर्मा ओलीले आफ्नो पार्टी एमालेबाट सरकारमा गएका सबै मन्त्रीहरुलाई बालकोट बोलाएका छन् ।
सत्ता परिवर्तनको चर्चा चलिरहेका बेला एमाले अध्यक्ष ओलीले सोमबार बेलुका सबै मन्त्रीहरुलाई निजी निवास बालकोटमा बोलाएका हुन् ।
एमालेका मन्त्रीहरुलाई बालकोटमा आउनु भन्ने खबर आएको र अरु केही नबताइएको एक मन्त्रीले बताए ।
असार १५ गते दहिचिउरा खान नेपाली कांग्रेसका सभापति शेरबहादुर देउवा बालकोट पुगेपछि अहिले सत्ता परिवर्तनको हल्ला चलिरहेको छ । यहि बेला एमालेका मन्त्रीहरुलाई अध्यक्ष ओलीले बालकोट बोलाउनु अर्थपूर्ण रुपमा हेरिएको छ ।
