फेरि अड्कियो चन्द्रागिरी केबलकार, डेढ घण्टासम्म आकासमै रोकिए यात्रु
२ साउन, काठमाडौं । विद्युत अवरुद्ध हुँदा करिब डेढ घण्टा रोकिएको चन्द्रागिरि केबलकार सञ्चालनमा आएको छ ।
बुधबार दिउँसो साढे १ बजे विद्युत अवरुद्ध हुँदा रोकिएको केबलकार दिउँसो ३ बजेपछि मात्र सञ्चालनमा आएको हो ।
जिल्ला प्रहरी परिसर काठमाडौंका अनुसार विद्युत अवरुद्ध भएपछि केबलकारमा रोकिएका यात्रुलाई भर्याङ हालेर जमिनमा ओरालिएको थियो । ८ जना यात्रुलाई ओरालिएपछि केवलकार सञ्चालनमा आएको थियो ।
यस अघि पनि चन्द्रागिरी केबलकार पटक पटक आकासमा होल्ड भइसकेको छ । सञ्चालकले बिजुली नहुँदा वैकल्पिक व्यवस्था गर्न नसक्दा वर्षैपिच्छे केबलकारमा यात्रु थुनीने गरेका छन् ।
यो केबलकार नेपाल उद्योग वाणिज्य महासंघका अध्यक्ष चन्द्र प्रसाद ढकालको हो । उनी ग्लोबल आइएमई बैंकका पनि अध्यक्ष हुन् ।
