‘विमानस्थलबाट क्विन्टलका क्विन्टल सुन आउँदा थाहा नपाउने कस्तो गुप्तचर ?’
टुरिजमफेस
काठमाडौं ।
त्रिभुवन अन्तर्राष्ट्रिय विमानस्थलबाट पटकपटक क्विन्टलका क्विन्टल सुन आउँदा पनि थाहा नपाएपछि प्रधानमन्त्री केपी शर्मा ओलीले राष्ट्रिय अनुसन्धान विभागको भूमिका र प्रभावकारितामाथि प्रश्न उठाएका छन् । आफू मातहतका निकायले गरिरहेको कामको प्रभावकारिताबारे छलफल गर्न बोलाएको बैठकमा ओलीले यस्तो बताएका हुन् ।
‘विमानस्थलबाट एकपछि अर्को गरी क्विन्टलका क्विन्टल सुन भित्रिँदा समेत गुप्तचरीको प्रमुख दायित्व पाएको निकायले पत्तै नपाउने अवस्था कसरी आयो ?,’ उनले भने, ‘राष्ट्रिय अनुसन्धान विभाग भनेको के हो ? यो विभागले काम के ग¥यो र गर्दैछ ? कुन अपराध हुनुभन्दा पहिले थाहा पायो ? ।’ प्रधानमन्त्रीले भने, ‘विमानस्थलमा यत्रो अनुसन्धान विभाग, प्रहरी, अध्यागन बसेको छ । तर ३२ क्विन्टल सुन पार भयो । एक क्विन्टल मात्रै पक्राउ प¥यो । त्यो पनि विमानस्थल बाहिर । रिचेक भनेर कर्मचारीले लेखेको ठाउँमा पनि फेरि रिचेक नगरी कसरी बाहिर जान्छ ? हामीले त्यत्रो निकाय राखेका छौं । मोटर आउँछ सुनैसुनको ! यी काम कसले गर्ने हो ?’
