एकदिवसीय टोलीको कप्तानी पुनः सन्दीपको हातमा

काठमाडौं । नेपाल क्रिकेट संघ (क्यान) ले नेपाली राष्ट्रिय एकदिवसीय टोलीको नेतृत्वमा फेरबदल गर्ने निर्णय गरेको छ। पछिल्लो समय टोली सम्हालिरहेका रोहित पौडेललाई विदा दिँदै क्यानले सन्दीप लामिछानेलाई नयाँ कप्तान नियुक्त गरेको हो।

कप्तानीको रोचक ‘यू-टर्न’
यो निर्णयसँगै नेपाली क्रिकेटमा कप्तानीको रोचक चक्र देखिएको छ। २०७९ कात्तिकमा सन्दीप लामिछाने कानुनी झमेलामा परेर निलम्बित भएपछि रोहित पौडेललाई कप्तान बनाइएको थियो। अहिले बलात्कार मुद्दामा अदालतबाट सफाइ पाएसँगै सन्दीपले आफ्नो पुरानो जिम्मेवारी फिर्ता पाएका छन्। यो सन्दीपका लागि झण्डै चार वर्षपछिको कप्तानको रूपमा पुनरागमन हो।

फरक संरचना, फरक कप्तान
क्यानले हाल एकदिवसीय र टी-२० का लागि छुट्टाछुट्टै कप्तानको रणनीति अपनाएको देखिन्छ। एकदिवसीय टोली सन्दीपले सम्हाल्दा टी-२० फम्र्याटको नेतृत्व भने दीपेन्द्रसिंह ऐरीले नै गर्नेछन्।

एसिसी प्रिमियर कप र टोलीमा व्यापक हेरफेर
मलेसियामा हुन लागेको एसिसी प्रिमियर कप (एकदिवसीय फर्म्याट) का लागि सन्दीपको कप्तानीमा टोली घोषणा गरिएको छ। यो प्रतियोगिता एसिया कपको छनोट समेत भएकाले निकै महत्वपूर्ण मानिएको छ।

घोषित १४ सदस्यीय नेपाली टोली

१. सन्दीप लामिछाने (कप्तान)
२. आसिफ शेख
३. अर्जुन कुमाल
४. रोहित पौडेल
५. देव खनाल
६. दीपेन्द्र सिंह ऐरी
७. बसिर अहमद
८. ईशान पाण्डे
९. गुलशन झा
१०. शेर मल्ल
११. ललित राजवंशी
१२. करण केसी
१३. हेमन्त धामी
१४. सन्दीप जोरा

बाहिरिएका खेलाडी:  कुशल भुर्तेल, सोमपाल कामी, आरिफ शेख र भीम सार्की ।