पत्नीको कुटपिटबाट ३० वर्षीया पतिको मृत्यु, ‘छिमेकीले अर्को दिन मात्रै थाहा पाए’
प्रतिकात्मक तस्वीर
टक्सार (भोजपुर) । भोजपुरमा पत्नीको कुटपिटबाट पतिको मृत्यु भएको छ ।
घरायसी विवाद हुँदा पत्नीको कुटपिटबाट गम्भीर घाइते भएका पतिलाई उपचारको लागि अस्पताल लैजाँदै गर्दा बाटोमै मृत्यु भएको हो ।
भोजपुर नगरपालिका–३ गुप्तेश्वरका ३० वर्षीय प्रकाश राईको पत्नीको कुटपिटबाट मृत्यु भएको प्रहरीले पुष्टी गरेको छ ।
बिहीबार बेलुका घरायसी विवादका क्रममा पत्नीको कुटपिटबाट घाइते भएका प्रकाशलाई शुक्रबार बिहान छिमेकीले थाहा पाएर उपचारका लागि लैजाने क्रममा बाटोमै उनको मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक युवराज तिमिल्सिनाले जानकारी दिए ।
गुप्तेश्वर घर भए पनि राईको परिवार टेम्केमैयुङ गाउँपालिका–१ तिम्मामा बसोबास गर्दै आइरहेको थियो ।
विवादमा पत्नी सुमित्राले पतिमाथि कुटपिट गरेको र उनको सोही कारण मृत्यु भएको विषयमा थप अनुसन्धान जारी राखिएको जिल्ला प्रहरी कार्यालयका प्रमुख तिमिल्सिनाले बताए ।
कुटपिटको क्रममा हात हतियार प्रयोग भए/नभएको वारे प्रहरीले अनुसन्धान गरिरहेको छ ।
प्रतिकात्मक तस्वीर
